(淘)優品 (淘)優品
返回首頁 站內 Google 百度
光明頂:首頁陶傑文章 210 從元宵說中國文化

元宵節又名情人節,點解有情人呢?

因為以前過元宵係有一個花燈會,花燈就係街邊嘅兩邊,啲人張燈結彩,整一啲靚嘅燈籠,咁點解會變咗情人呢?

因為啲燈靚,所以以前啲富家小姐就拖住啲丫鬟出嚟借賞燈為名,結識男子為實,所以元宵節係中國最古老嘅情人節。

但係,由於中國嘅男女關係受制於儒家,男女授受不親呢啲戒條,所以唔敢宣諸於口。

對比起2月14日西洋嘅情人節嗰一日,如果你鐘意嗰個對象,不妨大大膽送支玫瑰花、送排朱古力、送張情人卡向佢宣示,一動一靜,係呢個中西文化之間,就真係顯現到一個好大嘅差別。

元宵節因為有燈市,所以又有燈謎。

燈謎係一種古老嘅中國文化習俗,最重要嘅就係係個謎面嗰度,要有一種逆向嘅思考同埋一種豐富嘅聯想力,先估得到個謎底係邊個。

中國文化,可大可小,可高可低,可以用嚟作詩、作詞、作對聯,亦都可以用嚟創作燈謎,刺激獨立思考同埋想像力創意。


 

 
 

Copyright©光明頂 版權所有 備案編號:4419003004883 備案序號:粵ICP備10089552號